SON DƏQİQƏ

Avropanı gözləyən koronavirus TƏHLÜKƏSİ

Tarix:28-10-2020, 21:43 Oxunub:1 142

Avropa səlahiyyətlilərinin sözlərinə görə, 2022-ci ilə qədər Avropa Birliyi (AB) əhalisinin yalnız bir hissəsi koronavirus peyvəndi ala bilər.

GunAz.az xəbər verir ki, bu barədə "Reuters" agentliyi məlumat yayıb.

Dərman çatışmazlığı potensial peyvəndlərin təsirli ola bilməməsi və ya kifayət qədər istehsal edilə bilməməsi ilə əlaqədardır.

Ümumilikdə, Avropa COVID-19-a qarşı bir milyarddan çox dozada potensial koronavirus peyvəndi rezerv edib. "AstraZeneca", "Sanofi" və "Johnson & Johnson" kimi şirkətlər onları inkişaf etdirir.

AB nümayəndəsi agentliyə bildirib ki, "CureVac", "Moderna" və "Pfizer" ilə danışıqlar aparılır. Agentlik vurğulayıb ki, AB Komissiyası əvvəllər peyvənd tətbiqinin başlanğıc mərhələsində məhdud olacağını bildirsə də, bu mərhələnin nə qədər davam edəcəyini açıqlamayıb.

Bundan əvvəl, Ümumdünya Səhiyyə Təşkilatının səhiyyə ilə əlaqədar fövqəladə hallar üzrə proqramının rəhbəri Mayk Rayan Avropa hökumətlərinin koronavirusla mübarizədə çox geridə qaldıqlarını, qitənin xəstəliyin mərkəzinə çevrildiyini söyləmişdi. Beynəlxalq təşkilatın nümayəndəsi Avropanın virusu məğlub etməsi üçün daha əhatəli tədbirlərin aparmasının vacibliyini qeyd edib. (publika.az)

FACEBOOK ŞƏRH

SON XƏBƏRLƏR

İDMAN

<