NATO, "Krım ssenarisinin" ittifaq ölkələrinin ərazilərində təkrarlanmasına icazə verməyəcək. GunAz.az-ın "İnterfax"a istinadən verdiyi xəbərə görə, bunu təşkilatın baş katibi Yens Stoltenbera İspaniyanın "El Pais" qəzetinə müsahibəsində deyib.
"Krımın heç bir NATO ölkəsində təkrarlanmasına heç vaxt icazə verməyəcəyimizi açıq şəkildə nümayiş etdirmək üçün sərhədlərimizdə hərbi hissələr yerləşdirdik. Bu açıq bir siqnaldır. Hər hansı bir NATO üzvünə hücum edilərsə , buna bütün ittifaq cavab verəcək", baş katib deyib.
Stoltenberqin fikrincə NATO çərçivəsində həm Avropa, həm də transatlantik səviyyədə əməkdaşlıq etmək lazımdır.
