Bu gün Sezen Aksunun 91 yaşında vəfat etmiş atası Sami Yıldırım torpağa tapşırılıb.
"Hurriyet"in yazdığına görə, məşhur türk sənətçisinin həmkarları ona bu ağrılı gündə dəstək olublar.
Sibel Can, Gülben Ergen, Emel Müftüoğlu, Sıla, Müjde Ar ve Demet Akbağ da Sezenə başsağlığı verməyə gəliblər. Sibel Can sənətçini bir an da tək buraxmayıb. Mərasimdə iştirak edə bilməyən Zülfü Livaneli, Ebru Gündeş, Hıncal Uluç, Sertab Erener, Müjdat Gezen, Nazan Öncel ve Uğur Yücel isə çələng göndəriblər.
Sami Yıldırım dünən Çiğlidəki xəstəxanada dünyasını dəyişib. İzmirdə yaşayan Sami Yıldırım elə həmin şəhərdə torpağa tapşırılıb.
