Ukrayna xarici işlər nazirinin Avropa inteqrasiyası üzrə müavini Elena Zerkal, Ukrayna prezidenti Vladimir Zelenski və ABŞ lideri Donald Trampın Varşavadakı görüşdə bir sıra sənədlərə imza atacağını söyləyib.
GunAz.az-ın RT-yə istinadla verdiyi xəbərə görə, o, bunu Ukraynanın "Beşinci Kanalı"nın efirində deyib.
Onun sözlərinə görə, Ukrayna Xarici İşlər Nazirliyi ABŞ və Ukrayna liderlərinin avqustun sonu - sentyabrın əvvəlində Varşavada keçiriləcək görüşünün hazırlanması prosesinə cəlb edilib.
"Əlbəttə, məlumat və analitik dəstəklə, Polşada görüş zamanı imzalanması planlaşdırılan sənədlərlə əlaqəli olan bir hissə üzərində işləyirik. Bu görüşlərin məzmununu yerinə yetiririk. Düşünürəm ki, normal, maraqlı bir görüş olacaq", deyə o bildirib.
