Türkiyə ilə aramızda baş verən S-400 probleminin həll ediləcəyinə ümidliyəm, amma çətin məsələdir.
GunAz.az xəbər verir ki, bunu ABŞ Silahlı Qüvvələrinin Baş Qərargah rəisi Cozef Danford deyib.
O, “Röyters”in ABŞ-ın F-35-ləri təhvil verməsinin təxirə salınacağı xəbəri ilə bağlı suala “qərarları mən vermirəm” cavabını verib. Danford Tramp hakimiyyəti və konqresin S-400 və F-35-lərin Türkiyəyə eyni anda verilməsi məsələsində çətinlik çəkəcəyini söyləyib.
Qeyd edək ki, bundan əvvəl ABŞ Müdafiə Nazirliyi (Pentaqon) Türkiyə ilə "Patriot" raket sistemlərinin tədarükü barədə danışıqları davam etdirmək üçün Ankaranın S-400 raket əleyhinə müdafiə sistemindən imtina etməsinin şərt olduğunu açıqlamışdı.