İŞİD terror təşkilatı Avropa ölkələrində silsilə terror aktlarına başlamağa hazırlaşır.
Almaniyanın Milli Kəşfiyyat Xidmətinin başçısı Hans Georq Maaben İŞİD-in qitədə qanlı aksiyalara başlayacağı ilə bağlı məlumat əldə etdiklərini açıqlayıb.
Maaben qeyd edib ki, terror təşkilatı İraq və Suriyada ağır məğlubiyyətə uğradıqdan sonra öz militanlarını Avropaya göndərməyə başlayıb. Kəşfiyyat rəhbəri İŞİD-in Avropada kiçik qruplar formasında terror aksiyaları həyata keçirmək istədiyini deyərək, Almaniyanın da İŞİD və Əl-Qaidə-nin hədəfində olduğunu bildirib (Teleqraf.com).
