Hidayət Elvüsal
Qazkəsən idarənin adına Azəriqaz dedilər
Qış gələndə eyləyir millətə naz-qoz dedilər.
Düzüldülər ekrana:-Soyuqdan-zaddan qorxmayın,
Durbamız, şotçikimiz, zapçastımız saz dedilər.
Dedikləri olmayır,qaldıq titrəyə-titrəyə,
Biz dözümlü millətik,dözün,gələr yaz dedilər.
-Deyirdiniz ki,qışa tam hazırıq,nə oldu bəs?
-Biz yuxu danışmışıq,sən tərsinə yoz,-dedilər.
Erməni kilsələri Gürcüstanda hamam kimi,
İndi də qazımıza haylar olub paz dedilər.
"Erməni" deyən kimi dost-tanış ağartdı gözün,
-O yerlərə toxunma,canın yanar, cızzz,-dedilər
Titrəyirəm,donuram,amma daha mumlamışam,
Qorxudub sus dedilər, düz dedilər,az dedilər.
.
Gördüm ki,şillə-təpik,kəllə-filan göydə uçur,
-Ağıllan, "Yeni-yeni zirvələrə"...yaz dedilər.
