Qərb
Universitetində "Hədəf" kursları ilə birgə "Abituriyentlərin imtahana
psixoloji hazırlığı” mövzusunda seminar keçirilib.
Tədbirdə
Türkiyənin İstinye Universitetinin İnsan Resursları Departamentinin direktoru
Eda Ustanın, İstinye Universitetinin rektor yardımçısı Göksel Aşanın, "Loqos”
Psixoloji və Nitq Mərkəzinin direktoru Təranə Məmmədovanın, "Üstün zəkalılar”
İnkişaf və Psixologiya Mərkəzinin direktoru Aynur Akmeşenin, "Hədəf
kursları" MMC-nin baş direktoru Şəmil Sadiqin və Eros Psixologiya Mərkəzinin
direktoru Vəfa Əkbərin çıxışları dinlənilib.
Seminarda
tanınmış psixoloq, Psixologiya və Konsultasiya Mərkəzinin rəhbəri Elnur Rüstəmov
"İmtahan həyəcanının azaldılması yolları” və Qərb Universitetinin dosenti,
İnnovasiyalar Şöbəsinin müdiri Rauf Həsənov "Doğru ixtisas seçimi” mövzularında
təqdimatlar ediblər.
Abituriyentlərə
özünə inam, diqqət və konsentrasiya, stress, həyacan, ümidsizlik, qərarsızlığın
aradan qaldırılması, imtahan müddətində zamanın düzgün bölünməsi, imtahan
sonrası ixtisas seçimində düzgün seçim etmələri və s. kimi mövzular ətrafında
tövsiyələr verilib, onları maraqlandıran suallar cavablandırılıb.