Aleksandr Kramarenko: Ermənistan getsə, Rusiyanın problemləri azalacaq
Bundan sonra “öpüş” olmayacaq, daha təbii dostluq olacaq.
GunAz.az xəbər verir ki, bu fikirləri Rusiyanın beynəlxalq məsələlər üzrə inkişaf bölməsinin (RSDM) direktoru, fövqəladə və səlahiyyətli səfir Aleksandr Kramarenko deyib.
Dünən RSDM Moskvada “Jurnalistlər üçün səhər yeməyi” ənənəvi illik tədbirini keçirib. Tədbirdə 2018-ci ilin nailiyyətləri və növbəti il üçün proqnozlar səsləndirilib. Erməni jurnalist Ayka Xalatyanın KTMT-nin perspektivləri və Rusiya ilə Ermənistanın yeni hakimiyyətinin əməkdaşlığı ilə bağlı sualına Kramarenko belə cavab verib ki, keçmiş Sovet İttifaqı ölkələrinin hər biri müstəqildir və öz ayaqları üstündə dayana bilir.
“Müstəqil dövlətlər arasında münasibətlərdə geriləmə var. Ancaq Rusiya özünə cavabdehdir. Belə deyək, əgər Ermənistan getsə, Rusiyanın problemləri azalacaq”, - diplomat deyib.
Dağlıq Qarabağ münaqişəsinin həlli məsələsində o, ATƏT-in Minsk qrupunun gələcək fəaliyyətinə ümid bağladığını bildirib.
“Dağlıq Qarabağ münaqişəsinin nizamlanmasının tarixi qədimdir. Qarşı tərəflərin mövqeyi düz olduğundan onun həlli yollarını tapmaq çətindir. Belə vəziyyətdə münaqişənin kəskinləşməsi həmişə mümkündür”, - Kramarenko deyib.
RSDM-nin vitse-prezidenti, general-leytenant Yegeni Bujinski öz növbəsində KTMT-dəki fikir ayrılıqlarını şərh edib.
“Siyasətdə altruizm yoxdur. İttifaqlar ümumi dəyərlər və ümumi məqsədlər nəzərdə tutur. Biz NATO-nu danlasaq da, onlar KTMT-dən fərqli olaraq, vacib məsələlərdə həmrəylik göstərirlər”, - general qeyd edib.