Prezident İlham Əliyev Azərbaycan Respublikası Müharibə, Əmək və Silahlı Qüvvələr Veteranları Təşkilatı üzvlərinin "Azərbaycan Respublikası Prezidentinin fəxri diplomu” ilə təltif edilməsi haqqında sərəncam imzalayıb. Gunaz.az -ın AzərTAc-a istinadən məlumatına görə, sərəncama əsasən, Azərbaycan Respublikasının ictimai həyatında səmərəli fəaliyyətinə və gənclərin vətənpərvərlik tərbiyəsindəki xidmətlərinə görə aşağıdakı şəxslər "Azərbaycan Respublikası Prezidentinin fəxri diplomu” ilə təltif edilsinlər: Qritçenko Aleksandr Aleksandroviç Səttarova Fatma Hüseyn qızı. Dövlət başçısının gənclərlə iş sahəsində fərqlənən şəxslərin təltif edilməsi haqqında digər sərəncamına əsasən, Azərbaycan Respublikasında gənclərlə iş sahəsində səmərəli fəaliyyətlərinə görə aşağıdakı şəxslər təltif ediliblər: 3-cü dərəcəli "Vətənə xidmətə görə” ordeni ilə Rəşidova Vüsalə Nazim qızı "Tərəqqi” medalı ilə Cəfərov Müşfiq Cəfər oğlu Əhmədov Yalçın Talverdi oğlu Zeynalova Ülviyyə Tamerlan qızı.
