Xəbər verdiyimiz kimi, azərbaycanlı ifaçı Mina Hüseyn “O Səs Türkiyə” mahnı müsabiqəsində iştirak edib.
GunAz.az xəbər verir ki, Azərbaycanda “Dur oppan”, “Hər şey istəyirəm” mahnılarıyla məşhurlaşdıqdan sonra müğənnilik karyerasına son qoyan Mina Hüseyn “O səs Türkiyə” yarışmasına qatılıb.
Müsabiqədə Türkiyənin məşhur türküsü “Nayino”nu ifa edən müğənnimizə Hadisədən savayı bütün münsiflər dönüb. Seda Sayan, Beyaz, xüsusilə Muraz Boz ifaçının səsinə heyran qaldığını etiraf edib.
Müğənni münsiflərdən Seda Sayanı seçərək yarışmaya onun komandası ilə davam etməyə qərar verib.
