İstidə insanı ən çox zəhərləyən qidalar bunlardır
Yay istilərinin başlaması ilə qida zəhərlənmələrinin sayında kəskin artım qeydə alınır. İnfeksion xəstəliklər mütəxəssisi həkim Hraloğlu mövzu ilə bağlı xəbərdarlıq edərək bəzi qidaların istehlakından sonrakı ilk üç saatın kritik önəm daşıdığını bildirib. O, xüsusilə toyuq dönəri, toyuqlu plov, mayonezli xörəklər və kremli şirniyyatlara qarşı ciddi diqqət tələb olunduğunu vurğulayıb.
Yüksək temperatur fonunda həm qidalanma, həm də hovuz gigiyenası qaydalarına əməl edilməsi vacib şərtdir. Düzgün saxlanılmayan xörəklər sürətlə bakteriya yuvasına çevrilərək daxili orqanların funksiyasını pozur. Ağırlaşma halları yarandıqda həkimə müraciəti gecikdirmək həyat üçün risk yaradır.
Açıq havada qalan toyuq və süd məhsullarında zərərli toksinlər çox qısa zamanda formalaşır. Bu səbəbdən dərhal yeyilməyən qidalar mütləq soyuducuda saxlanılmalıdır. Evdən kənarda qidalanarkən isə təmizliyinə və şəraitinə tam əmin olunan iaşə obyektləri seçilməlidir.
Zəhərlənmənin ilkin əlamətləri yeməkdən sonrakı ilk bir neçə saatda və ya növbəti gün meydana çıxır. Yüksək qızdırma, kəskin qusma və şiddətli ishal müşahidə edildikdə təcili olaraq tibb müəssisəsinə müraciət edilməlidir.
Bədənin susuzlaşması azyaşlı uşaqlar, yaşlılar və böyrək xəstələri üçün ölümcül təhlükəyə çevrilə bilər. Müalicənin əsasını orqanizmin maye balansını bərpa etmək təşkil edir. Antibiotiklərdən isə yalnız həkim təyinatı ilə istifadə edilməlidir.