Ermənilər Tərtərin bu kəndini atəşə tutdu, mülki ev dağıldı
Cəbhədə vəziyyət gərgin olaraq qalır.
Noyabrın 8-də Ermənistan silahlı qüvvələrinin bölmələri Tərtər rayonun Əskipara kəndini artilleriya atəşinə tutub.
Kənd sakini Çingiz Rüstəmovun fərdi yaşayış evinə düşmən tərəfindən bir neçə mərmi atılıb. Nəticədə evə və evin həyətində yerləşən yardımçı tikililərə külli miqdarda ziyan dəyib, ev heyvanları tələf olub. Xoşbəxtlikdən ölən və yaralanan olmayıb.
Qeyd edək ki, ermənilərin Tərtər rayonunun Əskipara kəndinə atdığı mərmilər nəticəsində ümumilikdə 80-ə yaxın evə ziyan dəyib, 20 ev tamamilə dağılıb.