Malmö şəhərindəki atışmada ölənlərin sayı artdı
İsveçin Malmö şəhərində baş verən atışmada ölənlərin sayı 2 nəfərə çatıb.
Gunaz.az xarici mətbuata istinadən xəbər verir ki, bu barədə polisin press-relizində deyilir.
Hüquq-mühafizə orqanlarının məlumatına görə, atışma zamanı yaralanmış daha 1 nəfər – 29 yaşlı kişi xəstəxanada ölüb. Daha əvvəl xəstəxanada 18 yaşlı yaralının öldüyü bildirilirdi.
Qeyd edək ki, hadisə zamanı 5 nəfər xəsarət alıb. Onlar xəstəxanaya yerləşdirilib.
Hadisəyə terror aktı kimi baxılır.