QHT ənənəvi İslam dəyərlərini təbliğ edəcək
Anfisa Zinyəddin: "Gənclərin radikal dini
qruplara meyl etməsinin qarşısını
almaq üçün maarifləndirmə məqsədli
televiziya verilişləri təşkil olunacaq”
"İctimaiyyətlə Əlaqələrin İnkişafı” İctimai
Birliyi Azərbaycan Respublikasının Prezidenti yanında Qeyri-Hökumət Təşkilatlarına
Dövlət Dəstəyi Şurasının dəstəyi ilə həyata keçirdiyi "Gənclərin radikal dini qruplara qoşulmaması
üçün ənənəvi İslam dəyərlərinin televiziya vasitəsilə təbliği" lahiyəsinin
icrasına başlayıb. Layihəyə "Dünya Müstəqil
Teleradio Şirkətin”də, "İctimayyətlə Əlaqələrin İnkişafi " İctimai
Birliyinin təşkilatçılığı ilə yayımlanan "Fərqli" verlişi çərçivəsində
start verilib. Bu barədə məlumatı
cebhe.info-ya ictimai birliyin sədri Anfisa Zinyəddin verib. Onun sözlərinə görə,
3 ay müddətində icra olunacaq layihənin həyata keçirilməsində məqsəd gənclərin
radikal dini qruplara meyllənməsinin
qarışısını almaq, onları maarifləndirməkdir: "Bakıda və eləcə də bölgələrdə gənclərin radikal dini
qruplara meyl etməsinin qarşısını
almaq üçün maarifləndirmə məqsədli televiziya verilişləri
təşkil olunacaq. Gənclər radikal dini qrupların zərərli təsirləri
haqqında məlumatlandırılacaq, problemin aradan qaldırılmasının yolları müzakirə
olunacaq”.
Azərbaycan Respublikasının bütün dünyada
demokratik, hüquqi və dünyəvi dövlət kimi tanındığını diqqətə çatdıran A.Zinyəddin
deyib ki, ölkədə bir çox millətlərin və dini icmaların dinc
yanaşı yaşaması bunun bariz nümunəsidir:
"Ancaq müstəqillik qazanandan sonra Azərbaycana
müxtəlif dini ideologiyalara aid təriqətlər, cərəyanlar sirayət etməyə başladı.
Bu cərəyanların təmsilçiləri insanların saf dini duyğularından istifadə edib,
öz məkrli məqsədlərini həyata keçirməyə başladılar, din adından çıxış edib cəmiyyətdə
dözümsüzlüyü, fanatizmi yaydılar, nəticədə hətta bir-birini təkzib edən radikal
qruplara çevrildilər. Təəssüf ki, belə
qruplar öz məkirli planlarını, ideyalarının həyata kecirmək
ücün hədəf kimi gəncləri seçilir.
Bu ideyalar xalqımıza, cəmiyyətimizə xas olmasa da, gənclərimizin onların təsirinə
düşməsi faktları da var. Xalqımızın yüzillər boyu yaşatdığı tolerantlıq ənənələrinə
xələl gətirilməməsi üçün dövlət orqanları ilə yanaşı, cəmiyyətimizin də, həmçinin
medianın öz imkanlarından istifadə edərək mübarizə aparması vacibdir.
Radikallıqla mübarizənin ən effektiv yolu profilaktika olduğu üçün medianın öz
maarifçi rolundan yararlanması, zənnimizcə, böyük fayda verə bilər. Bütün bunları nəzərə alaraq, bu problemin həll
olunmasına müəyyən qədər yardımçı ola biləcək layihələrin keçirilməsini vacib
hesab edirəm”.