22 yanvarın GÜNDƏMİ
22 yanvar tarixi həm Azərbaycan, həm də dünya tarixi üçün mühüm hadisələrlə zəngindir.
Azərbaycanda baş verən mühüm hadisələr
-1990 — Şəhidlərin dəfni: 20 Yanvar faciəsi qurbanları Bakının ən uca nöqtəsində — Dağüstü Parkda (hazırkı Şəhidlər Xiyabanı) dəfn ediliblər. Fövqəladə vəziyyətə baxmayaraq, dəfn mərasimində bir milyondan çox insan iştirak edib.
-1992 — Müstəqilliyin tanınması: Amerika Birləşmiş Ştatları (ABŞ) Azərbaycanın müstəqilliyini rəsmən tanıdığını elan edib.
-1998 — Ölüm hökmünün ləğvi: Ümummilli lider Heydər Əliyev Azərbaycanda ölüm hökmünün ləğv edilməsi ilə bağlı Milli Məclisə tarixi müraciətini ünvanlayıb.
-2006 — "Neftçi"nin qələbəsi: Bakının "Neftçi" futbol klubu Moskvada keçirilən "Birlik Kuboku"nun qalibi olub.
Dünyada baş verən mühüm hadisələr
-1517 — Misirin fəthi: Osmanlı sultanı Yavuz Sultan Səlim Ridaniyə döyüşündə Məmlükləri məğlub edərək Qahirəyə daxil olub. Bununla da Misir Osmanlı tərkibinə keçib və Xəlifəlik osmanlılara verilib.
-1863 — Polşa qiyamı: Polşada Rusiya imperiyasına qarşı "Yanvar qiyamı" adlanan milli azadlıq hərəkatı başlayıb.
-1905 — "Qanlı bazar": Rusiyada çar ordusu Peterburqda dinc nümayişçilərə atəş açıb. Bu hadisə 1905-1907-ci illər inqilabının başlanğıcı hesab olunur.
-1932 — İlk türk dilində Quran: İstanbuldakı Yerebatan məscidində ilk dəfə olaraq Quran uca səslə türk dilində oxunub.
-1970 — "Göyün kraliçası": Dünyanın ilk geniş gövdəli sərnişin təyyarəsi olan "Boeing 747" ilk kommersiya uçuşunu Nyu-Yorkdan Londona həyata keçirib.
-1984 — Apple inqilabı: "Apple" şirkəti "Macintosh" kompüterini məşhur "1984" reklam çarxı ilə dünyaya təqdim edib.
Bu gün doğulanlar
-Bəhruz Kəngərli (1892): Azərbaycanın ilk realist boyakarı, professional rəngkarlıq məktəbinin banisi.
-Lev Landau (1908): Bakıda anadan olmuş dünyaşöhrətli fizik, Nobel mükafatı laureatı.
-Həzi Aslanov (1910): İki dəfə Sovet İttifaqı Qəhrəmanı, məşhur tank qoşunları general-mayoru.
-Corc Bayron (1788): İngilis ədəbiyyatının dahi şairi, romantizm cərəyanının nümayəndəsi.
Maraqlı fakt: 22 yanvar 2009-cu ildə Evo Morales and içərək Boliviyanın ilk yerli xalq (hindu) mənşəli prezidenti kimi fəaliyyətə başlayıb.
Gülnarə SAF