Alma, banan, lavaş cipslərini belə hazırlayın
Alma, banan, lavaş çipsləri – KÖKƏLTMİR! Kökəltməyən çipslər hazırlayın və bol-bol yeyin!
Alma çipsisi
Alma – bir neçə ədəd
Ədviyyat: darçın, şəkər tozu.
Almaları yaxşıca yuyuruq, nazik-nazik dilimləyirik. Darçın tozu ilə şəkəri qarışdırırıq. Alma dilimlərini həmin qarışıqda fırladırıq. Sonra onları bir-bir listə düzüb, 110 dərəcədə 2 saata yaxın quruduruq.
Banan çipsisi
Banan – bir neçə ədəd
Limon şirəsi.
Bananların qabığın soyursunuz, uzunvari, nazik dilimləyirsiniz. Limon şirəsinə batırıb, perqament kağız salınmış listə düzürsünüz. 90 dərəcə isdilmiş sobada baananlar quruyana kimi bişirirsiniz.
Lavaş çipsisi
Lavaş
Təzə şüyüd – 1 dəstə
Sarımsaq – 2 diş
Qara toz bibər
Duz
Zeytun yağı – 0,5 x.q.
Sous üçün olan bütün ərzaqları – sarımsaq, şüyüd xırdalanır, duz, istiot, zeytun yağı vurulur və qarışdırılır. Lavaşları kiçik hissələrə bölürsünüz. Onları həmin sousa batırıb, listə düzürsünüz və 200 dərəcədə 10-15 dəqiqə qızardırsınız.