Neft dirildi
İlin əvvəlindən neftin qiyməti təxminən 11 faiz bahalaşıb.
GunAz.az-ın məlumatına görə, ICE London qitələrarası birjasında keçirilən hərraclarda dekabrın 31-də Brent markalı neftin bir barelinin qiyməti 53,8 dollar olsa da, yanvarın 9-da bu rəqəm 60 dollara qədər qalxıb.
Şimal dənizi neft qatışığının qiyməti sonuncu dəfə ötən ilin dekabrın 17-də bu həddi keçmişdi.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində isə WTI markalı neftin bir barelinin qiyməti 50,87 dollara qədər bahalaşıb.