Pekin-2022-də Azərbaycanın nəticəsi
Pekin-2022 Qış Olimpiya Oyunlarında kişi fiqurlu konkisürənlərin qısa proqramda mübarizəsi başa çatıb.
Azərbaycan təmsilçisi Vladimir Litvintsev 30 idmançı arasında 84,15 xalla 18-ci olub.
21 yaşlı idmançı "24-lüy"ə düşməyi bacardığı üçün fevralın 10-da sərbəst proqramda iştirak hüququ qazanıb.
ABŞ təmsilçisi Vinsent Ju qeyri-müəyyən səbəbdən yarışda iştirak etməyib. Turnirin qalibi hər iki proqram üzrə xalların cəminə görə müəyyənləşir.
Qeyd edək ki, Azərbaycanın qadın fiqurlu konkisürəni Yekaterina Ryabova fevralın 15-də məharətini sərgiləyəcək. Pekin-2022 Qış Olimpiya Oyunlarına fevralın 20-də yekun vurulacaq.