Millimizin Avropa çempionatından qazancı: Cəmi iki “bürünc” oldu
Azərbaycanın cüdo millisi Portuqaliyanın paytaxtı Lissabonda keçirilən Avropa çempionatını cəmi iki medalla başa vurub.
GunAz.az xəbər verir ki, bu gün osetin əsilli cüdoçumuz Zelim Kostoyev (-100 kq) bürünc medal görüşündə Rusiyanı təmsil edən həmyerlisi Niyaz İlyasova ipponla qalib gəlib.
Bu gün tatamiyə çıxanlardan Elmar Qasımov (-100 kq), Uşanqi Kokauri (+100 kq) və İrina Kindzerskaya (+78 kq) ilk görüşdə uduzaraq mübarizəni dayandırıb.
Beləliklə, Azərbaycan millisi Avropa çempionatını iki bürünc medalla başa vurub. Daha əvvəl Kəramət Hüseynov (-60 kq) da fəxri kürsüyə qalxıb.