Azərbaycanın 2024/25 mövsümündə UEFA reytinqində yer alacağı start mövqeyi bəlli olub.

Bunun dəqiqləşməsinə həm ölkəmizin, həm də aşağı pillələrdə qərarlaşanların mövsümü başa vurması səbəb olub.

Hazırkı reytinqdə 27-ci olan Azərbaycan yeni mövsümə üç pillə irəlidən başlayacaq. Ölkəmiz cədvəlin 24-cü sırasında yer alacaq.

Belə irəliləyişə səbəb 2019/20 mövsümünün nəticələrinin reytinqdən çıxarılmasıdır. Yeni cədvəldə Kiprlə Macarıstandan az fərqlə geridə olan Azərbaycan onları qısa müddətdə arxada qoymaq imkanına da malikdir.