Futbolun canlı əfsanəsi Diyeqo Maradona Kriştianu Ronaldunun FİFA tərəfindən 2016-cı ilin ən yaxşı futbolçusu üçün təqdim olunan "The Best" mükafatına sahib çıxmasını ədalətli hesab edir. 1986-cı ilin dünya çempionu "Barselona" futbolçularının mərasimdə iştirak etməməsinə yenə toxunub. "Mükafatı Ronaldonun almasını qanunauyğun nəticə kimi görürəm. Amma Messi və Neymar mərasimdə iştirak etsəydi, daha məqsədəuyğun olardı" - Maradona deyib. Qeyd edək ki, "The Best" mükafatına namizədlər arasında Ronaldu 34.4, Messi 26.42, Qrizmann isə 7.53 % səs toplamışdı.
