“Yuventus”un hücumçusu Kriştianu Ronaldu “Qızıl top” mükafatının təqdim edilməsi mərasimində iştirak etməyəcək.
Oxu.az “Sky İtalia” telekanalına istinadən xəbər verir ki, buna səbəb Ronaldunun mükafata layiq görülməyəcəyini öncədən bilməsidir.
“Qızıl top”un “Real”ın yarımmüdafiəçisi Luka Modriçə veriləcəyi gözlənilir.
Qeyd edək ki, mükafatlandırma mərasimi dekabrın 3-də Parisdə keçiriləcək.
