Ağsuda ölümlə nəticələnən yol qəzası
Bu gün saat 17 radələrində Ağsu-Bico-Göylər avtomobil yolunun Daşdəmirbəyli kəndi ərazisindən keçən hissəsində ağır yol qəzası baş verib.
GunAz.az xəbər verir ki, “VAZ-2101” markalı avtomobillə “Toyota” toqquşub. Nəticədə “VAZ-2101”də olan Cəlayir kənd sakini, 1960-cı il təvəllüdlü Məmmədov Əlfağa Qardaşəli oğlu hadisə yerinə dünyasını dəyişib.
Qəza nəticəsində beş nəfər yaralanıb. Rayon Mərkəzi Xəstəxanasından AZƏRTAC-a verilən məlumata görə, yaralılardan üçünün vəziyyəti orta ağırdır. Hadisə ilə bağlı araşdırma aparılır.