Xırdalanda yanğın: xəsarət alanlar var
Abşeron rayonunun Xırdalan şəhərində yanğın hadisəsi qeyd alınıb.
Fövqəladə Hallar Nazirliyindən Gunaz.Az-a verilən məlumata görə, ümumi sahəsi 104 m2 olan ikimərtəbəli evin 1 otağının tavanı, dam örtüyünün yanar konstruksiyaları 30 m2 sahədə və ev əşyaları qismən yanıb. Yanğın zamanı 3 azyaşlı yanıq xəsarəti alıb.
Evin qalan hissəsi yanğından mühafizə olunub. Yanğın yanğın bölmələri tərəfindən söndürülüb.