ABŞ-ın Virciniya ştatında fövqəladə vəziyyət elan edilib
Qeyri-sabit hava şəraiti ABŞ-ın Virciniya ştatında 2 nəfərin həyatına son qoyub.
ONN media-nın RİA Novosti agentliyinə istinadən verdiyi xəbərə görə, fərdi yaşayış evinin üzərinə ağacın düşməsi nəticəsində 6 yaşlı uşaq ölüb, Baltimor dairəsində isə ağacın aşması 77 yaşlı qadının ölümünə səbəb olub.
Virciniyanın qubernatoru ştat ərazisində fövqəladə vəziyyət elan edib. Güclü küləklə müşayiət olunan qar və yağış ABŞ-ın 15 ştatında qeydə alınıb. 1 milyondan çox istehlakçı elektrik enerjisiz qalıb, hava limanlarında minlərlə aviareys ləğv edilib.