Narkotik istifadəçisi tutulub
Qaradağ rayon Polis İdarəsinin əməkdaşları narkotik vasitələrin istifadəsi ilə məşğul olan şəxsi yaxalayıb.
Gunaz.az -ın xəbərinə görə, Mahir Rəhim oğlu Məmmədov şübhəli şəxs qismində saxlanılaraq polis idarəsinə gətirilib. M.Məmmədovun üzərinə baxış keçirən zaman onun cibindən narkotik vasitə hesab olunan 1,5 qram heroin aşkar edilərək götürülüb.
Faktla bağlı Qaradağ RPİ-nin İstintaq Şöbəsində cinayət məcəlləsinin 234-cü maddəsi ilə cinayət işi başlanıb və M. Məmmədov şübhəli şəxs qismində həbs edilib.