Azərbaycanda avtobus daha bir can aldı
Gəncədə 73 yaşlı qadını avtobus vuraraq öldürüb.
Gunaz.az-ın APA-ya istinadən məlumatına görə, hadisə şəhərin Şəmkir avtovağzalı adlanan ərazisində baş verib.
Şəhər sakini 1944-cü il təvəllüdlü Ələsgərova Nərgiz Hüseyn qızı şəhərdə 11 saylı xətt üzrə sərnişin daşıyan "İsuzu" markalı avtobus tərəfindən vurulub.
Qadın xəstəxanaya aparılarkən yolda dünyasını dəyişib.
Faktla bağlı hüquq-mühafizə orqanları tərəfindən araşdırma aparılır.