Qubada vəzifəli məmur bıçaqlanıb
Quba Rayon İcra Hakimiyyətinin (RİH) Memarlıq və tikinti şöbəsinin müdiri Nizaməddin Əmrullayev bıçaqlanıb.
"Report"un Şimal bürosunun məlumatına görə, hadisə mübahisə zəminində baş verib.
Yaralı xəstəxanaya yerləşdirilib. Ona döş qəfəsinin sol tərəfinin, sol çiyinin arxa hissəsinin və sol said sümüyünün kəsilmiş-deşilmiş yaraları diaqnozu qoyulub.
Faktla bağlı Quba Rayon Polis Şöbəsində araşdırma aparılır.