Misirdə silahlıların hücumu nəticəsində 3 polis əməkdaşı öldürülüb. "Report"un məlumatına görə, bu barədə Misirin Daxili İşlər Nazirliyi xəbər yayıb.
Xəbərdə bildirilir ki, hadisə paytaxt Qahirədə, şəhərin şimal-şərqində, Mədinət-Nəsr rayonu ərazisində baş verib. Hadisə zamanı daha 5 polis əməkdaşı yaralanıb.
Polisə hücum edənlərin hansı qruplaşmanın üzvləri olduğu hələlik məlum deyil. Hazırda hüquq-mühafizə orqanları cinayətkarların axtarışı əməliyyatını həyata keçririr.