140 min ton neft daşıyan Türkiyə tankeri dronla vuruldu
140 min ton neft daşıyan "Altura" adlı türk tankeri Bosfor boğazının 26 kilometrliyində pilotsuz təyyarə ilə vurulub.Bu barədə AvroMedia.az Türkiyə mətbuatına istinadən xəbər verir.
Məlumata görə, nəhəng gəmi pilotsuz təyyarənin zərbəsindən sonra su almağa başlayıb və təcili yardım çağırışı edib.
Tankerdə olan 27 ekipaj üzvünün vəziyyətinin yaxşı olduğu bildirilir.
Hadisə ilə bağlı hələlik rəsmi açıqlama verilməyib.