Fransanın Lill şəhərində atışma nəticəsində 3 nəfər yaralanıb
Cümə günü axşam Fransanın Lill şəhərində baş verən atışma nəticəsində azı 3 nəfər yaralanıb.
"Report" xəbər verir ki, bu barədə regional "La Voix Du Nord" qəzeti yazıb.
Məlumata görə, zərərçəkənlər arasında 14 yaşlı uşaq da var. İnsident Bakı vaxtı ilə martın 25-də gecə saat 00:45-də baş verib. Naməlum şəxs "Port d'Aras" metro stansiyası yaxınlığında atəş açıb.
Zərərçəkənlər yaxınlıqdakı xəstəxalara aparılıb.
Hadisənin başqa təfərrüatları məlum deyil.