Pakistanda hərbçilərlə silahlılar arasında atışma olub, 7 nəfər ölüb
Pakistanın şimal-qərb bölgəsində silahlılarla baş verən toqquşmada azı 2 hərbçi ölüb.
"Sinxua” agentliyinə istinadən verilən məlumata görə, qarşıdurma Pakistan təhlükəsizik qüvvələri Orakzay bölgəsində əməliyyat keçirərkən qeydə alınıb.
Məlumata görə, baş vermiş atışma nəticəsində 5 silahlı məhv edilib.
Pakistan təhlükəsizlik qüvvələrin fevral ayından etibarən ölkədə fəaliyyət göstərən ekstremist qruplaşmalara qarşı əməliyyat keçirir.
Xatırladaq ki, fevralın 16-da Pakistanın Sind əyalətində məsciddə törədilmiş terror aktı nəticəsində 88 nəfər ölüb, 300-dən çox insan yaralanıb. Hadisəyə görə məsuliyyəti İŞİD terror qruplaşması öz üzərinə götürüb.(APA)