Bərdə rayonunda intihara cəhd hadisəsi baş verib. Hadisə rayon məhkəməsinin binası qarşısında olub. Belə ki, rayon sakini, 1984-cü il təvəllüdlü Həmidov Ramin Rəhim oğlu üzərinə benzin tökərək özünə od vurub. Otuz iki yaşlı gənc təcili tibbi yardım avtomobili ilə xəstəxanaya çatdırılıb. Həkimlər onun vəziyyətinin ağır olduğunu bildiriblər. Hadisəyə səbəb məhkəmənin həyat yoldaşından ayrılan R.Həmidov barəsində aliment ödənişi qərarının çıxarması olub. O, məhkəmənin qərarına etiraz edərək özünü yandırıb. Faktla bağlı Bərdə Rayon Polis Şöbəsində araşdırma aparılır. (report)
