Səudiyyə Ərəbistanının Nəcran şəhəri yaxınlığında İordaniyaya məxsus F-16 qırıcısı qəzaya uğrayıb. Təyyarənin texniki qəza nəticəsində yerə çırpıldığı, pilotun isə sağ olaraq xilas olduğu bildirilib. Qeyd edək ki, Səudiyyə Ərəbistanının rəhbərliyi altında koalisiyanın tərkibində 100 hərbi təyyarə cəmləşib. İordaniyanın 6 döyüş təyyarəsi Yəməndə keçirilən əməliyyatlarda iştirak edir.
