Bakıda yaşayış binasına sakinləri qorxuya salacaq sözlər yazılıb. Gunaz.az criminal.az-a istinadən məlumatına görə, Sabunçu rayonu, Bakıxanov qəsəbəsində yerləşən ''Uğur-2'' kompleksində binalardan birinin pilləkəninə yazılmış söz böyük marağa səbəb olub. Naməlum şəxslər tərəfindən divara boya ilə ''Şeytanın əsgərləriyik. Gəl dedin gəldik. Mən hər şeyi görürəm'' sözləri yazılıb. Sakinlər ehtimal edirlər ki, həmin şəxslər planlaşdırdıqları hansısa pis əməlin mesajını verirlər. Məsələ ilə bağlı Sabunçu Rayon Polis İdarəsinin 13-cü polis bölməsi məlumatlandırılıb. Kompleksin nəzarət kameralarına baxış keçirilib. Divara müəmmalı sözlər yazan şəxsin kimliyini müəyyən etmək mümkün olmayıb.
