Kürdəmirdə xəsarətlə nəticələnən yol qəzası baş verib.
Gunaz.az APA-ya istinadən bildirir ki, hadisə bu gün axşam saatlarında Ağsu-Kürdəmir-İmişli yolunun Kürdəmir rayonundan keçən hissəsində qeydə alınıb.
Kürdəmir rayonunun Ərəbxana kənd sakini, 1979-cı il təvəllüdlü İlhamiz Əlabbas oğlu Vəliyevin idarə etdiyi "QAZ-31" markalı minik maşını ilə 1995-ci il təvəllüdlü Orxan Hafiz oğlu Fərəclinin idarə etdiyi "Mercedes" markalı maşınla toqquşub.
Nəticədə sürücü O. Fərəcli müxtəlif xəsarətlərlə Kürdəmir Mərkəzi Rayon Xəstəxanasına yerləşdirilib.
Faktla bağlı araşdırma aparılır.
