Odessada uşaq düşərgəsində yanğın olub.
GUNAZ.az Ukrayna mətbuatına istinadən xəbər verir ki, hadisə zamanı 3 uşağın cəsədi tapılıb.
Qeyd olunur ki, Daça Kovalevskaya küçəsindəki "Viktoriya" Uşaq İdman-Sağlamlıq Mərkəzində yanğın yerli vaxtla saat 23:30-da başlayıb. Şahidlərin sözlərinə görə, yanğın siqnalı işə düşməyib. Tərbiyəçilər uşaqların təxliyyəsini cəld təşkil edə biliblər.
Yanğın vaxtı düşərgədə 150 uşaq olub. Hazırda yanğınsöndürənlər alovun qarşısını almağa çalışırlar. Hadisə yerinə bir neçə təcili yardım maşını cəlb edilib.
