Meksikanın şimalında yerləşən Tamaulipas əyalətində 29 məhkum tunel qazaraq həbsxanadan qaçıb.
Xarici KİV-ə istinadən xəbər verilir ki, 29 məhkum qazdıqları, uzunluğu 40 metr, dərinliyi 5 metr olan tunellə qaçmağı bacarsalar da, onlardan 12-i yaxalanıb.
Faktla bağlı həbsxanada çalışan 30 növbətçi barədə istintaq başladılıb. Eyni zamanda əyalət rəsmiləri digər bölgə rəhbərlərindən məhkumların yaxalanması üçün yardım istəyib.