Göyçayda yanğın hadisəsi qeydə alınıb. Gunaz.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Göyçay rayonu, Yalman kəndində vətəndaşa məxsus ümumi sahəsi 130 m2 olan kürsülü birmərtəbəli 2 otaq və aynabənddən ibarət evin yanar konstruksiyaları və ev əşyaları yanıb. Evə bitişik talvar yanğından mühafizə olunub. Yanğın saat 21:27-də yanğınsöndürənlər tərəfindən söndürülüb.