İranda 10 mərtəbəli bina çökdü
İranın Abadan şəhərində 10 mərtəbəli bina çöküb.
Bu barədə "Tasnim” agentliyi məlumat yayıb.
"Amiri küçəsindəki ofis binasının bir neçə hissəsi dağılıb. Binadakıların hamısı təxliyə olunub. Dağıntı vaxtı binanın yaxınlığında olan avtomobillər əzilib”, - məlumatda bildirilib.
Dağıntı nəticəsində 1 nəfər ölüb, 4 nəfər isə müxtəlif dərəcəli bədən xəsarətləri alıb.