Bayden Kiyevə səfər edəcək?- Ağ ev açıqladı
Prezident Co Bayden Kiyevə səfər etməyi planlaşdırmır".
Bunu Ağ Evin sözçüsü Cen Psaki bildirib.
"Prezidentin getmək fikri yoxdur. İcazə verin, bir daha deyim", - Psaki əlavə edib.
Psaki açıq şəkildə bildirib ki, kimsə getsə, təhlükəsizlik səbəbi ilə kimin və ya nə vaxt getdiyini söyləməyəcəyik.
Baydenin sözçüsü də tarixi dəqiqləşdirməsə də, ABŞ-ın səfirliyinin Kiyevdəki qaytarılmasına ümidlərin olduğunu təsdiqləyib:
"Bu, şübhəsiz ki, bizim məqsədimizdir. Aydındır ki, yerdə diplomatik mövcudluq vacibdir".
Ağ Evdən bildirilib ki, Baydenin səfəri daha mürəkkəb təhlükəsizlik məsələsi olardı. Bayden administrasiyası bunun yerinə yüksək rütbəli bir məmuru, çox güman ki, dövlət katibi Entoni Blinkeni və ya müdafiə naziri Lloyd Austini göndərmək istədiyini söyləyib.
Xatırladaq ki, ötən həftə Bayden deyib ki, məmurların Ukrayna göndərilməsi ilə bağlı qərara baxılır. O, jurnalistin "Kiyevə səfər edəcəksinizmi" sualına "bəli" deyə cavab verib.
Qeyd edək ki, bir sıra Avropa liderləri Kiyevə səfər edib və Zelenski ilə görüşüblər.