Pakistanda dəhşətli PARTLAYIŞ- ÖLƏNLƏR VAR
Pakistanın cənubundakı Karaçi şəhərində binada baş vermiş partlayış nəticəsində ölənlərin sayı 16 nəfərə çatıb.
Bu barədə "Pajhwok” agentliyi məlumat yayıb.
Hüquq-mühafizə orqanlarının məlumatına görə, partlayış özəl bank binasında baş verib. Yaralılar xəstəxanaya yerləşdirilib. Hadisə yerinə gələn mütəxəssislər partlayışın səbəblərini araşdırırlar. Axtarış-xilasetmə işləri davam edir.
Qeyd edək ki, bundan əvvəl Pakistan polisi özünün tvitter səhifəsində 10 nəfərin ölməsi barədə məlumat verib."Geo News” telekanalı isə bildirib ki, partlayış qaz sızmasından baş verə bilər.