ABŞ Çini nə ilə hədələdi?
Çin Tayvanla bağlı statu kvonu dəyişdirmək üçün güc tətbiq etsə, ABŞ və müttəfiqləri müəyyən addımlar atacaq.
Bunu ABŞ-ln Dövlət katibi Antoni Blinken bu gün keçirdiyi mətbuat konfransında bildirib.
ABŞ və müttəfiqlərinin Tayvanla birlikdə hərəkət edəcəyini bildirən Blinken qeyd edib ki, gücdən istifadəni və status kvonu pozmaq üçün istənilən birtərəfli hərəkəti sülh və təhlükəsizliyə təhdid kimi görəcək bir qrup dövlət var.
Həmin dövlətlərin də bu halda hərəkətə keçəcəyini ifadə edən Blinken bölgədə sülh və sabitliyi təmin etmək üçün tək olmadıqlarını vurğulayıb.