İranın ABŞ-ın BMT qətnaməsini pozmasına cavab verməyə haqqı çatır - Moskva
"İranın haqqı çatır ki, ABŞ-ın nüvə sazişindən birtərəfli qaydada çıxmasına və BMT Təhlükəsizlik Şurasının 2231-ci qətnaməsini pozmasına cavab versin."
GunAz.az xəbər verir ki, bunu Rusiyanın BMT-dəki daimi nümayəndəsi Vasiliy Nebenzya deyib.
Rusiya rəsmisi ötən gün BMT Təhlükəsizlik Şurasının İranla əldə edilmiş nüvə sazişilə bağlı keçirdiyi toplantıda çıxışı zamanı bildirib ki, ABŞ bu sazişdən çıxmaqla TŞ-ın 2231-ci qərarını pozub və buna görə İranın cavab verməyə haqqı çatır.
"ABŞ təkcə BMT Təhlükəsizlik Şurasının qərarlarını pozmur heç, hətta 2231-ci qərara əməl edən ölkələri də sanksiyalarla hədələyir", deyə Rusiya rəsmisi dünya ictimaiyyətini Amerikanın həyata keçirdiyi qanun pozuntularını pisləməyə çağırıb.
O deyib:
"Bu anlaşılan deyil, bəs BMT Təhlükəsizlik Şurasının qəraralarını bu şəkildə pozmaqla beynəlxalq sülh və sabitliyi necə təmin etmək və möhkəmləndirmək olar?!. Birtərəfli sanksiyalar problemləri daha da artıracaq."