İraqda Ərbəin zəvvarlarına hücum planlayan 10 kamikadze ələ keçib
İraqda Ərbəin ziyarəti ərəfəsində zəvvarlara qarşı hücum planlayan 10 kamikadze ələ keçib. Onların ikisi vaxtilə İŞİD-in komandirlərindən olublar.
GunAz.az Sumariya Agentliyinə istinadla xəbər verir ki, bu barədə İraqın təhlükəsizlik mənbələri məlumat veriblər.
İraqın Səlahəddin əyalətinin təhlükəsizlik mənbələri bildiriblər ki, İraq Ordusunun Kəşfiyyat Xidməti Haşd-Şabi ilə birgə aparılan əməliyyat çərçivəsində əyalətin Beyci qəzasında İŞİD-in 10 üzvünü ələ keçiriblər.
Onların üzərindən silah-sursat və partlayıcı qurğular o cümlədən kamikadzelər üçün nəzərdə tutulmuş kəmər bombaları aşkarlanıb.
Məlumata görə İŞİD üzvləri əyalətdə zəvvarların olduğu yerləri hədəfə almağı planlayıblar.