Fransa ABŞ və İranı danışıqlar aparmağa çağırıb
Fransa İran və ABŞ-ın danışıqlara başlaması üçün cəmi bir ay vaxtın qaldığını bildirib. Rəsmi Paris İran və ABŞ-dan dərhal danışıqlara başlamağı istəyib.
GunAz.az RT.Arabic-ə istinadla xəbər verir ki, bunu Fransanın xarici işlər naziri Jan-İv Le Drian deyib.
Fransa XİN rəhbəri ötən gün ölkə parlamentinin aşağı palatasının toplantısı zamanı İranla ABŞ-ı danışıqlar aparmağa çağırıb.
Jan-İv Le Drian bildirib ki, İran və ABŞ-ın bir ay möhləti var.
Qeyd edək ki, Fransa XİN xəhrəbi bir ay dedikdə İranın nüvə sazişindəki addımlarını dördüncü dəfə olaraz azaltması vədinə toxunur.
Bildirək ki, BMT Baş Assambleyasının Nyu-Yorkda 74-cü toplantısı çərçivəsində Fransa prezidenti İran və ABŞ prezidentlərini bir araya gətirməyə çalışsa da bu mümkün olmayıb.
N.SAFURA