Yəməndə Səudiyyə koalisiyasının dəstəklədiyi qüvvələr arasında qarşıdurmada ölənlərin sayı 15-ə çatıb
Ədən şəhərində Səudiyyə koalisiyasının dəstəklədiyi müvəqqəti Yəmən Hökumətinin qüvvələri ilə Birləşmiş Ərəb Əmirliyinin dəstəklədiyi "Cənubun Keçid Şurası" qüvvələri arasında qarşıdurmada ölənlərin sayı 15-ə çatıb.
GunAz.az bu barədə Yəmən mətbuatına istinadla xəbər verir.
Bildirilir ki, Ədən şəhərində müvəqqəti Yəmən Hökuməti qüvvələri ilə "Cənubun Keçid Şurası" qüvvələri arasında gedən qarşıdurmalarda ölənlərin sayı 15-ə çatıb və 20-dən çox yaralı var.
Qarşıdurmalara görə şəhərin beynəlxalq hava limanı işini dayandırıb.
Qarşıdurmalar Yəmənin müvəqqəti hökumətinin müdafiə naziri Əhməd əl-Məysirinin mənzili yaxınlığına sirayət edib.
Səudiyyə Ərəbistanın hərbi koalisiyası bəyanat yayaraq, Yəmənin cənubundakı separatçı qüvvələrə xəbərdarlıq edib və ölkədə xaosun yaranmasına imkan verməyəcəyini bəyan edib.