Rusiya Türkiyə üçün Suriyada sərhəd çəkdi - Gürcanlı
Rusiya da Türkiyənin Suriyada hərbi təsirinin artmasından narahatdır.
Bu sözləri türkiyəli siyasi yazar Zeynəb Gürcanlı Suriyada cərəyan edən son prosesləri şərh edərkən deyib.
O bildirib ki, Rusiya Xarici İşlər naziri Sergey Lavrov son açıqlamalarında məhz İdliblə bağlı vəziyyətin üzərində dayanır və Türkiyənin bu bölgədən savayı ərazilərdəki hərbi təsirinin artmasının birmənalı qarşılanmadığına işarə verir:
"Rusiya Türkiyənin daha irəli getməsini istəmir. Rusiya XİN-nin belə bir açıqlaması var: Türk ordusu İdlibdə qanuni əsaslarla yerləşib. Bu, olduqca önəmli açıqlamadır. Rusiya sərhəd çəkdi. Türk ordusu İdlibdə qanuni yerləşdirilib, bəs digər yerlərdə?"