İslam Kərimovun təhlükəsizlik xidmətinin eks-rəhbəri saxlanıldı
![İslam Kərimovun təhlükəsizlik xidmətinin eks-rəhbəri saxlanıldı](https://gunaz.az/uploads/posts/2018-12/1545476610_islam.jpg)
Özbəkistanda eks-prezident İslam Kərimovun təhlükəsizlik xidmətinin keçmiş rəhbəri, general-mayor Muidjon Toxiriy saxlanılıb.
“Qafqazinfo”nun “İnterfaks” agentliyinə istinadən verdiyi xəbərə görə, bu barədə ölkənin Baş Prokurorluğu məlumat yayıb.
“Muidjon Toxiriy həqiqətən saxlanılıb. Ona qarşı istintaq tədbirləri aparılır”, deyə qurumun mətbuat xidmətinin nümayəndəsi bildirib.
“Ozodlik” saytı hüquq-mühafizə orqanlarındakı mənbəyə istinadən xəbər verir ki, 55 yaşlı general korrupsiya əməlində ittiham edilir.
Qeyd edək ki, M. Toxiriy 2013-2016-cı illərdə keçmiş prezident İslam Kərimovun təhlükəsizlik xidmətinə rəhbərlik edib.